Dole ne Binciken Makarantun Hauza ya Kasance Mai Gina Wayewa kuma a Matakin Duniya / Buƙatar Sauyi na Asali a Zamammakin Yancin Tunani 

A cewar rahoton Ofishin Yada Labaran Hauza, Shugaban makarantun Hauza na kasa, Ayatullah Alireza A'arafi a yayin ganawa da jami'an sashen bincike na makarantun Hauza ya jaddada bukatar mayar da makarantun Hauza zuwa "jagorar samar da ilimin addini a matakin duniya" inda ya ce: "Wajibi ne binciken makarantun Hauza ya kasance da wayewa, ijtihadi, mai amsa bukatun al'amuran yau da kullum, da gudanar da harkokin kungiyoyi da kuma samun jagoranci na kasa da kasa.

Babban abubuwan da Ayatullah A'arafi ya fi mayar da hankali a jawabinsa sun haɗa da:

1. Ƙaruwar ilimi a cikin shekaru 50 masu zuwa:

Ya ɗauki shirye-shirye da hangen nesa zuwa rabin ƙarni na biyu na juyin juya halin Musulunci a matsayin wani abu mai mahimmanci, kuma ya buƙaci a shirya cibiyoyin ilimin addini don "sauyi na gaba ɗaya" a cikin bincike bisa tasirin fasaha kamar Artificial Intelligence.

2. Bincike mai warware matsala kuma a matakin duniya:

Ayatullah A'arafi, tare da sukar "rashin isassun tasirin binciken addini a duniya", ya jaddada buƙatar tsara cikakken shiri don kasancewa cikin tattaunawar ilimi ta duniya. Ya ce: "Bincike ya kamata a kai shi kai tsaye ga warware matsalolin al'umma da kuma ba da amsa ga bukatun tunani na matasa."

3. Naƙadi a fili game da ƙirƙirar bincike da tattaunawa:

Shugaban makarantun Hauzar, yayin nazarin halin da ake ciki a yanzu na waɗannan ƙirƙirar bincike da tattaunawa, ya ce: "Idan kun tambaye ni, zan iya faɗa cewa, a zahiri ba a yi aikin da ya dace ba, kuma wannan fanni yana buƙatar sauyi na gaba ɗaya."

4. Kammala shirin shekaru biyar da kuma gyara tantancewa:

Kammala "shirin shekaru biyar na biyu" na makarantun addini da cikakken kulawa da tsarin tantancewa mai ɗorewa na daga cikin sauran abubuwan da ya jaddada. Ayatullah A'arafi ya lurar da cewa ya kamata a gyara tsarin tsarin tantancewa ta hanyar sauraron suka.

5. Yarjejeniyar tunani a cikin dubban batutuwa na duniya:

Ya ba da sanarwar shirin tsara "Yarjejeniyar tunanin Makarantun Hauza", inda ya ce: "Ya kamata Hauzozin su bayyana matsayinsu a mafi ƙarancin dubban matsalolin da ake fuskanta a duniya a yau, a cikin hanyar da ta dace da kuma cikin tsarin sanarwar ƙasa da ƙasa."

6. Ƙarfafa hedkwatocin jagoranci da haɗin kai a gudanarwa:

Ayatullah A'arafi ya jaddada ƙirƙirar aƙalla hedkwatoci 15 na jagorantar ƙwararrun ilimi da kuma kawar da duk wani rudani a cikin gudanarwar samar da ilimi.

A ƙarshe, tare da godiya ga ƙoƙarin da aka yi, ya bukaci a shirya cikakken rahoto game da sakamakon binciken makarantun Hauza don gabatarwa ga majalisar koli ta makarantun Hauza.